ليش البنت ما تقدر تنسى أول انسان تحبه؟

السؤال هو :

ليش في الغالب البنت تحب أول انسان تعجب فيه ؟؟ ..

أنا بقول رايي في الأول و انتوا عقب قولوا رايكم عشان اعرفه بس محد يتقيد برايي و ابي راي كل واااحد منكم وكيف تفكيره ...

وهذا هو رايي المتواضع :

أنا ( واعوذ بالله من كلمة أنا ) أظن انه البنت تحب أول أنسان يلفت انتباهها لاسباب :

1. لانه أول شي اكثر هالبنااااات يكونون صغار اصلااا ... يعني مراهقات او دون العشرين .. و البنت في هاي المرحلة تبي تثبت انوثتها و انها صارت كبيرة و ممكن الاعتماد عليها كامرأة ناضجة و ما تحب ينقال لها انها بعدها صغيرة ... فهني البنت تشوف اول انسان تعجب فيه سواء باخلاقه او في اسلوب كلامه او في جماله ووسامته ... ومعا تكرار رؤيتها و الاتصال الغير مباشر مع هالانساااان ( اي عن طريق النت او الجامعة او كلية او حتى بمراقبته من بعيد او انه من اهلها و تراه كل فترة و فترة ) .. اهني مع استمرار هالشي تحس البنت بانجذاب نحو هالشخص و لانها تريد اثبات انها كبيرة و تفهم فتقول لنفسها انها تحبه ولا تسطيع الاستغناء عنه و اقناع نفسها بهذا االشي هو الذي يجعلها تظن انها تحبه و لا تستطيع فراقه ... وقد لا يعلم الشخص الذي حبته في اغلب الاحيان ويكون حبها الوهمي سري ..فمثلا قد تحب بنت صغيرة شخصا من اهلها كان مثلا يلاعبها و هي صغيرة و يكون حنون معاها و خاصة لو كان هالشخص يفضلها في المعاملة عن اخوتها و الصغار الثانيين .. فهمني لما تكبر تحس انها تحبه بس هو ما يدري و يعتبرها مثل اخته الصغيرة واااايد و ما يكون في باله هالشي فلا يغير اسلوبه معاها .. وتنصدم البنت انه اتزوج و اتقول انها ما بتحب حد بعده ... وسرعان ما تكتشف بعدين انه حبها كان وهم ...

2. ثاني سبب احس انه تاثر البناااات بالمسلسلااات الخليجية و المصرية ... فلما تشوف البنت قصص الحب و ما فيها من الام و نهايات سعيدة و تحس القصة و تتاثر فيه .. اهني البنت تود تجربه و تتمنى انها تجربه ... فيكون اول انسان يعجبها هو هذا الحبيب سواء كان هالشخص مناسب او غير مناسب ..

3. ظروف البنت اللي تمر فيه ... احتمال انه البنت مع الظروف اللي تمر فيه في البيت تحاول تهرب من هالمشاكل و الظروف بايجادها شخص يسمعها و يوم ما تحصل هالشخص تغرم فيه و اتحبه و اتقول انها ما تقدر تستغنى عنه ..

4. ربيعتهاااا .. فلو كانت البنت ضعيفة شخصية و كانت تتاثر وااااايد في ربيعاتها اللي يحبووووون و سماعها لقصص حب ربيعاتهاااا .. اهني هي تبي تجربه و اتجربه مع اول واااحد تصادفه في حياتها ..

همم رااايج 100 بالمئه صح حبوبه
وانا راااي احم احم: انه الحب مايعرف صغيير ولاكبيير وكل انسان له مشاعر واحلى واقوى عااطفه هي (الحب) والبنت عاطفيه وايد وطبعا البنت من صغرها تكوون رااسمه ف بالها فاارس احلاامهاا واذا شافت وااحد لفتره متتاليه واتحس انه في ملامح او لمحه لفارس احلامها ف طبيعي بتحبه من اول نظرهـ وهمم والبنت اغلب شي تكوون فالبييت ف طبعا ماشي بييت مايخلى من المشاكل والبنت تتاثر نفسيتها تحس انها فاقده حنان والكل لاهي عنها وطبعا محد بيسويلها سالفه وهم ف مشااكل وظرووف ف تلجئ للحب وحنان الحب وهيييييييكـ ويسلمووو فدييتج ع المووووضووع الحلووووو ونتريا الزوود والسموحه

من يقدر ينسى الحب الاول .؟؟

من يقدر ينسى اول مره ينبض قلبهـ ؟؟

من يقد ينسى اول لحظهـ و اول ابتسامهـ ؟؟

و اول كلمــهـ [ احبــكـ ] ..

و الحيـاة تجارب و الحـب الاول هو اللي يعلمـ كيف يحب ..

أو كيف تتبدأ حب يديد او كيف يعاني و يتعذب و يضحكـ .. [ كلها مشاعر يديدهـ ]

الحب الاول .. اول شعور يدخل القلب ..

و المصيبهـ انهـ يبقـي !! لو افترقواا ..

تسلمــين غلااي ع الطــرحـ
و لاعــدمناجـ ..