....؛؛**^^الروح بلياك بتروح^^**؛؛....

يآآقلبي آنتي

يسلموو حبووو ع مرووورج

و انشالله جريب بنزله

وهذا البارت الثاني

ميثة اتزهبت وكانت لابسة بنطلوون ابيض وعليه نقش بالاحمر ولابسة قميص احمرة وعليه مثل بوسة بالفصوص البيض وكانت لابسة جاكيت لين الصدر لونه ابيض ولبست كواشي حمر ورفعت شعرها الطويل الغاوي الاشقر ولبست عبتها وكانت على العباه نقش من ورى مثل روزة حمرة وكانت لابسة اسكارف احمر وطلعت قصتها وحاطة مكياج عالخفيف ماكانت حاطة جحال لان عينها طبيعيه مجحله وحاطة روج احمروشكلها كان روعه تعق الطير من السما وسارت تشووف جراح اذا تزهب هو وحارب وكانو زاهبين ولابسين كندورة سودة وسفرة حمرة وكانو متعصمين على ينب وشعرهم كان شويه ظاهر وشكلهم كان خبااال ميثاني:جرااااح فديييييييييييييييييييييييييييييتك شكلك فن تعق الطير من السما
جراح : بس بس بصدق عمريه بعدين
ميثاني : من حقك دام شكلك يخبل
حارب وهو مقهوور: بسكم قردنه اخوان ويقردنون بعض حشى مب اخوان حبايب انزين قردنونا شويه نحن مب تارسين عينكم ( هو يطالع ميثة وجي يقول )
ميثة ويها قفط: لا تارسين عينا كيف مب تارسينها
جراح: اي احشموووني تراني هنيه يالله يدامي خل نخطف على مهروو
حارب وهو متشقق من كلام ميثة ومقهور من جراح لأنه خرب عليه: يالله توكلنا
وسارو بالفتك (على فكرة ترى جراح يعرف يسووق هووحارب صح صغار بس عندهم ليسن)
هم فالسيارة
جراح:ميثووه اتصلي في مهروو وقوليلها تطلع
حارب:مايحتاي هذي واقفه عند الباب
ميثه:هاي شو موقفنها فهالحر
جراح وقف السيارة ومهرو ركبت السيارة وكانت لابسه شرات ميثوووه بالضبط ومظهرة قصتها
وجراح شاف ميثة مطلعه قصتها جان يهزبها هزبه محترمه وحارب ماقصر في مهرووو
مهرة يالسة تتحرطم:حاربوو مالك خص فيه
حارب:جب يالله جب قلتلج دخلي قصتج وانطبي جراح: هي سمعي كلام اخوج انتي وهالدلووعة ميثووه
ميثه بدلع : انا دلوعة باباتي وماماتي تيفي اوتي
خلاث بدخل قثتي من هالعين قبل هالعين كم جراح وحارب عندي
حارب:فدييييييييييت اللي يسمعون الكلام انا مهرو تعلمي ترمسين شراتها
جراح:لا تتفدى اختي اغار كككك
حارب: ان شاء الله بتكون زوجتي المستقبليه هاهاي
ميثوه قفطت من الخاطر ويها استوى طماط ولا ردت عليهم
مهرة سكتت ولا رمست اونها زعلانه لأنها خذت هزبه منهم
جراح عرف انها زعلانه وحاول يراضيها:مهوورتي فديتج نحن نخاف عليج
عشان جي نقولج دخلي قصتج مب عشان شي
مهرة: لا عادي يالشيخ ماصار شي(من دون قصد قالت) واعرف انك تخاف عليه فديييييتك
ميثة تصاصر مهرة:اي ويهج لوح
حارب:مهرو احشمي يالدبه
مهرة:انزين بالغلط كلتوني
ميثه:عندنا اكل هاهاهاي
مهرة:الحين ميثو شو بيسكتها بدت عبطها
ميثة: بدت ولا نهت هاهاهاي
حارب:كيف الله بيصبرني عليج يوم باخذج بتيلسين تستهبلين عليه
جراح:الله يعينك ويعيني على مهوور
ميثة قفطت وكان ودها تصم حارب بالشنطه اللي عندها:انزين جب لازم يقفطوني
حارب وهو ميت من الضحك على ويه ميثة:فديتج انا
جراح:بسك طالع ويها كيف استوى وانا اغار على اختي الصغنونه لا تتفدها
حارب: مثل ماهي اختك هي مرتي المستقبليه
جراح:بعدها مااستوت مرتك يوم بتستوي ارمس
حارب:انا اصلا اعتبرها مرتي من اليوم
ميثة شويه بتضربهم: بسكم بلاكم طايحين فيه
جراح:مهرووو فديتج بلاج صاخه مب من عوايدج
مهره : فداك يني لاترمسني انا زعلانه منكم
جراح:خيبه ويهج لوح كوني شويه دلووعة لا تستوين دفشة عاد
ميثة داشه عرض : عاد ولا ثمود هاهاهاي
جراح: انتي جب انزين محد رمسج
ميثة بدلع:حوحو شوف جوجو
حارب:فديت الجوجو اللي يقرض المث مث
جراح معصب :صخو انزين وصلنا
مهرة عرفت ان جراح معصب منها
جان ينزلوون كلهم المول ويتمشون ويا بعض جنه كل واحد ويا حرمته كككك
وهم في المول
حارب يالس ويطالع ميثة:شي وايد شباب هنيه
ميثة:هي اليوم اليمعه لازم بيكون المول مترووس انزين مهرووو فديتج يالله نتمشى روحنا
حارب محتج ومعصب: تهبين
ميثة :لييييييييييييش ابي اتمشى واسولف ويا مهرهر من زمان رمستها روحي
حارب:ماتسيرون رواحكم شي وايد شباب هنيه
جراح:يالله ماشي تمشون رواحكم
ميثة منقهره : انزين جان تسير تيود ايد مهرة ويمشون جدام حارب وجراح جان جراح يدش محل وطلع منه يبا يزقر ميثة وميثة سارت المحل الثاني ومهرة وقفت برع ملاحظة(مهرة وميثة نفس الشي من ورى ماتعرفون تميزون بينهم) ومهرة كانت عاطيه ظهرها حق جراح وجراح اتحسبها ميثة جان يسير ويود ذراعها عشان يمطها يراويها شي فالمحل الثاني
مهرة وهي زاغيه: امييييييييييييه
جراح يوم لف ويه مهرة انصدم انها مهرة

شو تتوقعون يستوي بينهم ؟؟
قولولي رايكم فالبارت عسب اكمل البارت الياي^^