الله ... لا يحرمني وصاالك

.. سمعت بطاري عيونك وجيت اغليك
يقول القلب سلميلي عليه ويطلب وصالك..

حبيبي .. وش تقول بعاشقن قصة غرامه فيك ؟
نسا الدنيا ومافيها وجا ينشد عن احوالك ..

حبيبي .. جيت لمصافح مواعيد الفرح بيديك
وحبيت اعطي يمينك .. حب ماتدري به شمالك..

اشوفك واسمعك قبل اعرفك واشتاقلك وابيك
واحس آمال عمري من عرفتك تشبه آمالك ..

انا ماعشت قبل اعيش باحساسك وقبل اجيك
حبيبي .. جيتك بقلبي .. ولو ما جيتلك .. جا لك..

أحاسيسي كريمه .. وانت تستاهل كرم غاليك
ترى لو ما اشرقت شمسك .. وصل .. رحت اتبع ضلالك..

يقولون العرب .. دارن بلا مغليك ماتغريك
وانا اقول انك بليا حب .. كأنك عايش لحالك..

ولا تزعل من اللي لا زعل منك رجع يرضيك
ولاتطري كلام البعد .. فال الله ولا فالك ..

انا لو ما تذكرتك غلا .. جاب الغلا طاريك
.تعيش وتسلم لقلبن على كف الغلا شالك ..

اطالع وجهك المشرق أمل .. وعيويني تناديك
.واقول الله ثم الله ... لا يحرمني وصاالك ..